ឪពុកតិរច្ឆាន ឆកយកព្រហ្មចារីកូនស្រីបង្កើត អស់លក្ខណ៍ត្រឹមកូនស្រីពៅ
ខេត្តកំពង់ចាម៖ កាលពីពេលថ្មីៗនេះ មានរឿងហេតុគួរឲ្យហួសចិត្ត បានកើតឡើងលើគ្រួសារមួយ ដោយឪពុកបង្កើត បានចាប់រំលោភកូនស្រីរបស់ខ្លួន ដល់ទៅ៣នាក់ ដែលបានបីបាច់ថែរក្សាតាំងពីតូច រហូតដល់ធំ ពេញរូបពេញរាង បានសម្រេចជាច្រើនដង ទំរាំបែកការណ៍ ដោយហេតុការណ៍នេះ បានកើតឡើងកាលពីវេលាម៉ោង ១០យប់ ថ្ងៃ២៧ ឧសភា ២០១៧ នៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម ។
ឪពុកតិរច្ឆាន ដែលចាប់រំលោភកូនស្រី របស់ខ្លួនដល់ទៅ២នាក់នេះ ត្រូវបានគេស្គាល់ឈ្មោះ យូ សាន អាយុ៤៣ឆ្នាំ មានទីលំនៅក្នុងភូមិកើតហេតុខាងលើ ត្រូវប៉ូលិសចាប់ខ្លួន ពីបទរំលោភកូនស្រីបង្កើត របស់ខ្លួន ចំណែកកូនស្រី ដែលរងគ្រោះដោយសារ ឪពុកតិរច្ឆានរូបនេះ កូនស្រីបង មានអាយុ១៨ឆ្នាំ, កូនស្រីកណ្តាល មានអាយុ១៥ឆ្នាំ និងកូនស្រីពៅ មានអាយុ៨ឆ្នាំ។
បើតាមការឲ្យដឹងពីអ្នកជិតខាង បានរៀបរាប់ថា បុរសជាឪពុក មានស្រុកកំណើត នៅខេត្តកំពង់ធំ ហើយបានយកប្រពន្ធ នៅខេត្តកំពង់ចាម ហើយគ្រួសារនេះ បានទៅរស់នៅស្រុកកំណើត ខាងប្តីរហូតបង្កើតបាន កូនស្រី៣នាក់។ ក្នុងពេលដែលរស់នៅខេត្តកំពង់ធំ ឪពុកតិរច្ឆានរូបនេះ បាននាំកូនស្រីច្បង ទៅធ្វើចម្ការដែលនៅឆ្ងាយពីផ្ទះរបស់ខ្លួន ហើយក៏យកលេសឱ្យទៅដេក យាមក្នុងខ្ទមចាំចំការ។ ការរស់នៅតែពីរនាក់ ឪពុក និង កូនស្រី ក្នុងខ្ទមចាំចម្ការនោះ ធ្វើឱ្យឪពុកមានតណ្ហា ហើយបានចាប់រំលោភ កូនស្រីច្បងជាញឹកញាប់ តែកូនស្រីច្បង មិនហ៊ានប្រាប់ម្តាយ ព្រោះខ្លាចការគំរាមរបស់ឪពុក ។
ក្រោយពីរំលោភកូនស្រីច្បង បានសម្រេចជាច្រើនដងមក ឪពុកតិរច្ឆានរូបនេះ បាននាំកូនស្រីកណ្តាល ទៅចាំចម្ការទៀត ដោយយកលេសដដែលថា ដេកនៅក្នុងខ្ទមពីរនាក់ឪពុក និង កូនស្រី ។ លើកនេះ ក៏ដូចជាលើកមុនដែរ ឪពុកបានប្លន់ព្រហ្មចារីយ៍ កូនស្រីកណ្តាល បានសម្រេចដូចកូនច្បងដែរ ហើយករណីរំលោភកូនស្រីទាំងពីរនេះ មិនអាចលាក់បាំងបានយូរឡើយ ។ ទង្វើដ៏លាមក របស់ឪពុកបង្កើត ទៅលើកូនស្រីទាំងពីរ បានឮដល់ម្តាយរបស់នាង ធ្វើឱ្យម្តាយរបស់នាង មានទុក្ខលំបាកយ៉ាងខ្លាំង តែមិនហ៊ានប្តឹង ឬ ទម្លាយអាថ៌កំបាំងនោះឡើយ ។
ប្រហែលជាពីរបីឆ្នាំក្រោយមក ក្រុមគ្រួសារនេះ បានមករស់នៅស្រុកកំណើត ខាងប្រពន្ធវិញម្តង គឺនៅភូមិថ្មគោល ឃុំរអាង ស្រុកកំពង់សៀម ខេត្តកំពង់ចាម ។ ដោយទ្រាំនឹងការឈឺចាប់មិនបាន ធ្វើឱ្យភរិយាអភ័ព្ទ បានស្លាប់ចោលកូនស្រីទាំង៣នាក់ ឱ្យរស់នៅកំព្រាឯកា ជាមួយនឹងឪពុក ជាសត្វតិរច្ឆាន ។ ក្រោយពី ប្រពន្ធស្លាប់ចោល ឪពុកតិរិច្ឆាន ក៏បែកគនិតចាប់រំលោភកូនស្រីពៅម្នាក់ទៀត តែលើកនេះ មិនដូចលើកមុននោះទេ ដោយសារកូនស្រីពៅ មិនអាចទ្រាំនិងការឈឺចាប់បាន ក៏ស្រែកឲ្យគេជួយ ទើបបែកការណ៍ ហើយក៏ត្រូវនគរបាល ចាប់ខ្លួន ដើម្បីកសាងសំណុំរឿង បញ្ជូនទៅតុលាការតែម្តង ៕
ប្រភពពី៖ ភ្នំដា
No comments: